Carita bodor ; Sieun ucing

Takdir Illahi Ieu mah carita nu kajadianana mirip dina sinetron-sinetron religius tapi mistik. Kacaritakeun dina hiji waktu aya bangsat nu kawilang kahor pisan. Eta bangsat sok sagala papaok ditambah deui babari tungal-teunggeul ka batur. “Pokona aing teu percaya ceuk dina sinteron-sinetron! Maenya jelema paeh oge kudu hese!” si bangsat nantang ke jelema-jelema nu ngingetan manehna yen eta kalakuan goreng teh kudu dieureunan Bisi hese atawa keuna ku azab pas engke maotna. Dina hiji waktu, eta bangsat teh maot. Maotna kebeneran pas manehna maling di hiji imah. Cenah, keur manehna dina lalangit imah, eta kai lalangit geus bobo. Atuh eta bangsat murag nepi ka maotna. Waktu manehna dikurebkeun, aya kajadian aheng. Eta layon bangsat hese diasupkeun kana kuburna kusabab leungeun nu katuhu ngacung wae. Kabeh upaya geus dilakukeun. Tapi keukeuh eta leungeun katuhuna teh ngacung wae nepi kaluar tina boeh. Kabeh nu ngurebkeun bingung, kumaha carana. Keur lieur-lieur kitu teh, teu lila aya budak leutik datang. Eta budak terus nyampeurkeun layon nu leungeun katuhuna ngacung, bari terus ngomong: “Cang kacang panjang anu panjang ucing!” ceuk budak jiga nu ngajak ucing-ucingan ka eta layon. Na atuh eta leungeun katuhu bangsat nu ngacung wae teh jug buru-buru sidakep: sieun manehna ucing!

Carita bodor;;Iiiih Miiinyi!

 Kacaritakeun aya ibu-ibu nu keur ngobrolkeun kagagahan salakina sewang-sewangan. Tah, maranehna keur uplek ngobrol kitu teh aya saurang ti manehna nu jadi dokter kelamin. Si eta dokter ngobrolkeun ngeunaan masalah “bobogaan” antara lalaki jeung awewe. “Yeuh, ibu-ibu tos parada terang teu, yen ukuran gagaduhan antara pameget sareng istri teh tiasa dibandinkeun sareng anggota awak urang?” ceuk eta dokter. Atuh ibu-ibu nu ngariung teh panasaran ngadenge informasi anneh ti eta dokter. “Ah, maenya, dok? Buktosna naon kitu?” ceuk salah saurang ibu-ibu. “Janten Bu, gagaduhan caroge ibu tiasa ditingali ageung atanapi alitna tina ukuran jempol sareng kumaha ibu-ibu calawak!” ceuk eta dokter mulai nerangkeun. Teu kireum-kireum, eta kabeh ibu-ibu langsung ngajawab: “Aaaaah, maenyaaaa?” ngajawabna teh bari calawak pagede-gede, da sieun eleh gengsi. Nya, harga diri atuh lamun baham teu rada calawak mah. Atuh engke disangka bobogaan salakina leutik. Si dokter maphum yen eta ibu-ibu teh boga keneh gengsi nu gede dina urusan nu kitu mah. “Tah ibu-ibu upami hoyong terang sempit keneh atanapi henteuna ukuran nu dipikagaduh istri tiasa dibandingkeun sareng....” can ge si dokter ngomong, ibu-ibu langsung kompak motong omongan si dokter. “Sareng naon, dok?” “Tiasa dibandingkeun sareng sempit atawa calawak henteuna ibu-ibu muka baham! Eta mah ibu-ibu nu aya di dinya kabeh saur manuk ngajawab bangun nu heran: “Iiiiiih...miiiiiinyi?” (Euh, meureun eta kabeh ibu-ibu teh kasieunan dianggap tos ‘dol’!),,,,,,,,,,,hehehehe cag,,
di cutat ti,,.wikipedia.org

Banyol..............Salaki satia

 ku, Agha ,ti urangsundaasli.com

Aya hiji kulawarga nu kacida pisan harmonisna, si lalaki satia pisan ka pamajikanana, sagala kahayang nu di penta ku pamajikanana pasti dicumponan.
Dina hijia poe di waktu pamajikanana tilar dunya, si salaki sedih pisan jeung asa leungiteun, pas dina acara pamakaman, sarengsena pamajikanana dikurebkeun, si lalaki ceurik tarik sabari nyanghareupan gundukan taneuh nu baseuh keneh terus manehna teh ngipasan eta kuburan pamajikanana.
Atuh ningali kajadian kitu teh loba jalma nu bararingung, boh ti pihak kulawarga kitu deui tatangga-tatanggana
Sanggeus sababaraha lila, pihak kulawarga jeung tatanggana nu nganteurkeun ka kuburana baralik, malah si lalaki nu cengeng tadi oge diajak balik bareng tapi teu daekan.
Keluarga : "Kang atos atuh sing sabar, keun weh ridlo keun tong dikipasan wae kitu atuh kuburan teh Insya Allah si teteh moal kapanasan..."
Salaki : "Atos teu nanaon ! tinggalkeun we ! Abdi hoyong keneh di dieu heula sorangan "
Kusabab teu daek wae diajak balik, pihak keluarga teh akhirna nyalukan Pak Haji jang dipenta bantuanana supaya si lalaki daek di ajak balik.
Pak Haji : "Kang atos teu kedah jiga kieu atuh, hayu urang uiih we !"

Salaki : "Abdi sanes teu hoyong uih pa haji, abdi teh ngipasan kuburan ieu teh pamenta pun bojo, saurna na teh upami bade nikah deui antosan kuburanana garing heula !"

Pulsa

Di cutat ti...http://niniemeh.blogspot.com.......

ariayna mah  mah jaman teh estuning cararanggih alias gancang kapanggih, anu kasebut hape sumebar kamana mana, kapasisian oge loba nu baroga hape ti mimiti tukang ngarit anu macul, tukang beca di kota baroga hape. Nu matak jelema teh  jaman kiwari mah langka silaturahmi jarang paamprok jonghok jeung beungeutna masing masing nyuratan cukup ku SMSan atawa teteleponan.

Kaasup Si Nini Emeh, sanajan kaayaan keur werit anehna teh keur meuli fulsa nu hargana dua letereun beas oge kabedag wae, nepikeun ka konter konter oge sumebar ka unggal Kacamatan jeung di padesaan. Ngan si Nini mah teu bisa SMSan kawas budak ngora bisana ukur teteleponan atuh puguh we fulsa teh olok pisan. Anu jadi anehna kiwari ari meuli beas, beas  raskin tapi hubungan ka imah make hape, aneh bin ajaib taktage.
Dimana jelema rek disebut miskinna ari kabedag keneh meuli fulsa ungal minggu mah. Ah dasar atu kiwari mah jaman edan sagala loba nu teu kaharti,…hehehe.