di cutat ti.....http://niniemeh.blogspot.com .......
Jalan Cadas Pangeran ngandung ajen Sajarah khususna pikeun urang Sumedang umumna mah bangsa Indonesia.Anu jadi sabab ieu jalan anu aya di lokasi Kab Sumedang teh baheulana tempat kerja paksa alias Rodi tea jaman pamarentahan Herman Willem Daendels .Nurutkeun Sajarah Gubernur Herman Willem Daendels teh kasohor sahaok kadua gaplokna matak dipikasieun malah disebutna oge Mas Galak atawa aya oge nu nyebut Mas Guntur.Boro-boro urang Sumedang dalah anu sabangsana oge loba nu careuceubeun akibat ku katelengesanana. Harita ujaring carita dina taun 1808-1811 satekah polah ieu Gubernur nu katelah Mas Galak teh ngupayakeun Pulo Jawa aman tina serangan Inggris nya diantarana nyieun jalan ti Anyer ka Panarukan Banyuwangi.
Jalan Cadas Pangeran ngandung ajen Sajarah khususna pikeun urang Sumedang umumna mah bangsa Indonesia.Anu jadi sabab ieu jalan anu aya di lokasi Kab Sumedang teh baheulana tempat kerja paksa alias Rodi tea jaman pamarentahan Herman Willem Daendels .Nurutkeun Sajarah Gubernur Herman Willem Daendels teh kasohor sahaok kadua gaplokna matak dipikasieun malah disebutna oge Mas Galak atawa aya oge nu nyebut Mas Guntur.Boro-boro urang Sumedang dalah anu sabangsana oge loba nu careuceubeun akibat ku katelengesanana. Harita ujaring carita dina taun 1808-1811 satekah polah ieu Gubernur nu katelah Mas Galak teh ngupayakeun Pulo Jawa aman tina serangan Inggris nya diantarana nyieun jalan ti Anyer ka Panarukan Banyuwangi.
Maksudna
nyieun ieu jalan teh keur ngalancarkeun pergerakan pindahna pasukan ti
wilayah ka wilayah di Pulo Jawa, anu kaua keur ngalancarkeun roda
kapamarentahan nu katilu keur ngalancarkeun lumangsungna perekonomian.
Ngawangun jalan Cadas Pangeran kacatet dina sajarah boh tingkaat local
nyakitu deui di tingkat Nasional nepikeun ka nimbulkeun loba korban jiwa
penduduk .Mimitina mah jalan Cadas angeran teh jalan anu luhur dibobok
ti 26 Nopember 1811 nepi ka 12 Maret 1812 anu dipingpin ku Raden Demang
Mangkoepradja kalayan ditaliti/dititenan ku Pangeran Koesoemahdinata
malah aya monument anu dijieunna tina marmer anu unina ku basa Walanda
“ONDER LEIDING VAN RADEN DEMANG MANGKOEPRADJA EN ONDER TEOZICHT VAN
PANGERANG KOESOEMADINATA AANGELEGT 1811 GOORGEKAPT 26 NOPEMBER TOT 12
MAART 1812”.
Proses
nyieun jalan Cadas Pangeran ujaring carita loba ngorbankeun jiwa jeung
raga ku alatan digawekeun samemena ku pihak walanda pimpinan Gubernur
Dandels tea, nepikeun ka Pangeran Koesoemahditata IX Bupati Sumedang
taun 1791-1828 ngarasa teu ngeunah loba masyarakatna nu jadi korban ku
alatan kerja paksa tea. Nepikeun ka ngarasa kagugah hatena keur ngabela
rahayat nu katalansara tina tugas RODI tea .Dina hiji waktu mah
sakumaha biasa Mas Galak teh ngayakeun pamariksaan ka tempat lokasi
Gunung anu teuas ngabatu di Ciherang anu tonggoheun kampong Singkup
tea.. Pangeran Koesoemadinata IX nembongkeun wawanenna ngalawan Daendels
ku cara sasalaman make tengen kiwa,sedengkeun nu katuhu nyabut keris
Nagasasra. Atuh puguh we anu biasana kumis baplang teh harita mah jadi
komboy ngulapes kawas daun cau direrab ku seuneu. Soca Pangeran
Koesoemadinata IX neuteup seukeut ka ieu Jendral anu katelah bengis
dipikagigis jeung dipikasieun ku balarea nepikeun ka bisa ngalumpuhkeun
hate Mas Galak . Mun ceuk basa urang mah kieu meureun “ Kunaon biasana
sasalaman ku katuhu ari ieu ku kenca?” ceuk Jendral Marsekal Herman
Willem Dandels ka Pangeran Koesoemadinata anu katelah Pangeran Kornel.
“Paduka
Tuan,…!!!, lain kuring teu hayang ngalaksanakeun ieu pagawean nu kacida
beuratna, cik atuh sing aya tinimbangan lantaran ieu pagawean teh
leuwih beurat tinu sejen . Ku kituna kuring ayeuna keur nembongkeun
wawanen ngalawan Tuan, yen Regent Sumedang anu ngaranna KOESOEMADINATA
leuwih hade kuring paeh sorangan jeung tibatan loba masyarakat nu jadi
korban. Kitu bumelana Pangeran Kornel ka masyarakat Sumedang jaman
harita. Nu matak keris NAGASASRA boga lalakon dina ngawangun jalan Cadas
Pangeran ngalawan kolonial Walanda anu ngaranna Herman Willem Daendels
anu katelah MAS GALAK tea. Cag ah .